ফেচবুকৰ এক জীয়া প্রেম কাহিনী :: প্রেমিকাৰ প্ৰৱঞ্চনাৰ বলি দুৰন্ত প্রেমিক

এটা মিছকল পাই যুৱকজনে পুনৰ ফোন কৰিলে। বিপৰীত দিশৰ পৰা ফোনত ভাহি আহিল নাৰীৰ কণ্ঠস্বৰ। তাৰ পাছত দুয়োপক্ষৰ মাজত সঘনে আৰম্ভ হ’ল টেলিফোনিক বার্তলিপি।এইদৰেই ইজনে সিজনক নেদেখাকৈ গঢ় লৈ উঠিল গভীৰ প্ৰেমৰ সম্পৰ্ক। যুৱকজনৰ দুৰ্বৰ হেপাহ প্রেয়সীক চোৱাৰ। যুৱকজনৰ অনুৰোধত তেওঁলৈ অৱশেষত প্ৰেৰণ কৰা হ’ল এগৰাকী ষোড়শী আলোকচিত্র। যুৱতীয়ে প্রস্তাৱ দিলে প্ৰেম আৰু বিবাহৰ।। তাৰ পাছত যুৱতীৰ সকলো অভাৱ-অভিযোগ দূৰ কৰিবলৈ আর্থিকভাৱেও সহায়ৰ হাত আগবঢ়ালে প্ৰেমত মতলীয়া যুৱকজনে। এইদৰেই পাৰ হ’ল পাঁচটা বছৰ। অৱশেষত ধৈৰ্যৰ বান্ধ ছিঙি বৰপেটাৰ পৰা তেজপুৰত আহি উপস্থিত হ’ল প্ৰেমত বলিয়া যুৱক। তাৰ পাছত ৰাইজৰ ঔকিল পৰিল তাৰ গাত। ৰাইজৰ উত্তম-মধ্যম খাই এতিয়া আৰক্ষী থানাৰ আলহী যুৱকজন। প্রকৃততে তেওঁলৈ প্ৰেৰণ কৰা প্রেয়সীৰ ছবিখন আছিল তেজপুৰৰ মিলনপুৰ অঞ্চলৰ এগৰাকী দশম শ্রেণীৰ ছাত্ৰীৰ। ছাত্রীগৰাকীৰ কোনো ফেচবুক একাউণ্ট নাই। তেওঁ চিনি নাপায় বৰপেটাৰ যুৱক অনুপম নাথক | আচলতে অনুপমৰ সৈতে পাঁচ বছৰ নিজকে ৰশ্মি বুলি পৰিচয় দি এগৰাকী মহিলাইহে প্ৰেমৰ অভিনয় কৰি আছিল। মহিলাগৰাকীয়ে তেওঁৰ আত্মীয় যুৱতীৰ ফটাে ফেচবুকত আপলোড কৰি নিজৰ ফটাে বুলি পৰিচয় দিছিল আৰু অনুপমক প্ৰেমৰ প্ৰস্তাৱ দিছিল। তাৰ পাছত মহিলাগৰাকীয়ে অনুপমৰ পৰা কৌশলেৰে পাঁচ হাজাৰ টকাও সৰকাইছিল। তেজপুৰ মিলনপুৰৰ মামণি শইকীয়া নামৰ মহিলাগৰাকীয়ে নিজকে ৰশ্মি বুলি পৰিচয় দি কথা পাতিছিল অনুপমৰ লগত। সকলো কথাই মিছা মাতি অনুপমৰ লগত পাঁচ বছৰ ফোনযোগে সম্পৰ্ক ৰক্ষা কৰিছিল মহিলাগৰাকীয়ে। কালি অনুপম আহি প্রেয়সীক বিচাৰি যোৱাত ৰাইজে ধৰি উত্তম-মধ্যম শোধায়। কাৰণ যিগৰাকী যুৱতীৰ ফটাে যুৱকজনৰ লগত আছিল সেইগৰাকী যুৱতী দশম শ্রেণীৰ এগৰাকী ছাত্রীহে। ইফালে ফটাে আৰু পৰিচয় অমিল হােৱাতহে জোলোঙাৰ মেকুৰী ওলাই পৰে। যুৱকজনে তেতিয়াহে জানিব পাৰে যে ফটােত থকা যুৱতীগৰাকী তেওঁৰ প্রেমিকা নহয়। প্ৰকৃততে দুটা সন্তানৰ মাতৃ মামণি শইকীয়াইহে তেওঁৰ লগত প্রেমৰ অভিনয় কৰি আহিছিল। কথাটাে বুজি পোৱাত পলম হ’ল। যাৰ বাবে অনুপমৰ এই দশা হ’ল। গতিকে আপোনাৰ যদি ফেচবুক একাউণ্ট আছে, তেন্তে সাৱধান হওক। আপুনি প্ৰৱঞ্চনাৰ বলি হ’ব পাৰে। ফেচবুকত প্ৰেম কৰি তেজপুৰৰ ৰাইজৰ লপােথপা খাব লগা হ’ল বৰপেটাৰ যুৱকজন। টকা-পইচা ভৰি সৰ্বস্বােন্ত হােৱাৰ অভাৱনীয় পৰিস্থিতিৰ সন্মুখীন হ’ল। আৰক্ষীয়ে অনুপম নাথ আৰু মামণি শইকীয়াক আটক কৰি জোৰা অব্যাহত ৰাখিছে।[ উৎস :: নিয়মীয়া বার্তা ]