কুখ্যাত সন্ত্রাসবাদী সংগঠন হিজবুল মুজাহিদীনে দক্ষিণ কাশ্মীৰৰ আপেল বাগিছাত ভাৰতীয় সেনা আৰু জম্মু আৰক্ষীৰ পৰা কাঢ়ি নিয়া ৰাইফল প্রদর্শন কৰি ভাৰতক প্রত্যাহ্বান জনাইছে । ছচিয়েল মিডিয়াত ৰাজহুৱা হােৱা ভিডিঅ’টােত দেখা গ’ল ১২ সন্ত্রাসবাদীয়ে কাঢ়ি নিয়া ৰাইফল প্রদর্শন কৰি উঠা সমূহীয়া ইজনে সিজনৰ সৈতে হােৱা আলিংগনে ঠাই পাইছে চাৰে-চাৰি মিনিটীয়া ভিডিঅ’টােত। হিজবুল মুজাহিদীনৰ নিহত কমাণ্ডাৰ বুৰহান ৱানিৰ স্মৰণত এই ভিডিঅ’টাে ছচিয়েল মিডিয়াত ৰাজহুৱা কৰিছে সন্ত্রাসবাদী সংগঠনটােৱে।। ১২ জনকৈ হিজবুল মুজাহিদীনৰ উল্লসিত সদস্যই প্রদর্শন কৰা ৰাইফলছৰ সকলোখিনিয়েই বিগত তিনি মাহত জম্মু-কাশ্মীৰৰ বিভিন্ন স্থানৰ পৰা কাঢ়ি নিয়া ৰাইফল। তাৰ ভিতৰত ইনছাছ ৰাইফলো অন্যতম।হিজবুল মুজাহিদীনত নতুন সদস্য ভর্তিৰ উদ্দেশ্যে এই ভিডিঅ’ ৰাজহুৱা কৰা হৈছে বুলি সন্দেহ কৰা হৈছে। আন এটা ভিডিঅ’ত হিজবুলৰ নতুন নেতা জাকিৰ ৰছিক। ভাটে সংগঠনটােত যুৱক-যুৱতীসকলক যোগদান কৰাৰ লগতে নিৰাপত্তাৰক্ষীৰ পৰা অস্ত্ৰ-শস্ত্ৰ কাঢ়ি আনিবলৈ আহ্বান জনোৱা দেখা গ’ল। বিগত তিনি মাহত অতি কমেও ৬৭টা ৰাইফল নিৰাপত্তাৰক্ষীৰ পৰা কাঢ়ি নিয়ে উগ্রপহীয়ে।নতুনকৈ সদস্য ভর্তিৰ অভিযান তীব্ৰ কৰি তুলিছে কুখ্যাত সন্ত্রাসবাদী সংগঠন হিজবুল মুজাহিদীনে। নিৰাপত্তাৰক্ষীৰ গুলীত নিহত শীর্ষ কমাণ্ডাৰ বুৰহান ৱানিৰ পদাংক অনুসৰণ কৰি ছচিয়েল মিডিয়াক এইক্ষেত্ৰত ব্যাপকভাৱে ব্যৱহাৰ কৰিছে সংগঠনটােৱে।
0 comments:
Post a Comment