কৃষক মুক্তি সংগ্রাম সমিতিয়ে হিন্দু বাংলাদেশী সংস্থাপনৰ বাবে কেন্দ্রীয় চৰকাৰে আৰম্ভ কৰা কচৰতৰ বিৰুদ্ধে কালি গুৱাহাটীত অনুষ্ঠিত কৰে এক বিশাল সমাৱেশ। সমাৱেশত উপস্থিত থকা জনতাই অসমত এজনো বিদেশী নাগৰিক সংস্থাপিত কৰিব নোৱাৰাৰ সংকল্পৰে কেন্দ্ৰ-ৰাজ্য চৰকাৰক এই সিদ্ধান্ত শীঘে বাতিল কৰিবলৈ সকীয়নি দিয়ে। ৰাজ্যৰ কেইবাগৰাকীও বিশিষ্ট বুদ্ধিজীবী-নাগৰিকে অংশগ্রহণ কৰা সমাৱেশখনত নাগৰিকত্ব সংশোধনী বিধেয়ক কোনো পৰিস্থিতিতে মানি নোলোৱাৰ সিদ্ধান্ত গ্রহণ কৰা হয়। সমাৱেশত উপস্থিত জনতাক উদ্দেশ্যি বক্তব্য প্রদান কৰি ড° হীৰেন গোঁহায়ে কয় যে বাংলাদেশী হিন্দুক নাগৰিকত্ব দিলে অসমৰ থলুৱা লোকৰ ভৱিষ্যৎ বিপদাপন্ন হৈ উঠিব। ভবিষ্যতে ভোটৰ জৰিয়তে বহিৰাগত মানুহে চৰকাৰ গঠন কৰি থলুৱা লোকৰ অস্তিত্ব বিপন্ন কৰি তুলিব। ধৰ্মৰ ভিত্তিত বিদেশীৰ বিভাজন হ’লে অসম অগ্নিকুণ্ডত পৰিণত হ’ব বুলি মন্তব্য কৰি ড° গোহাঁয়ে আৰু কয়— ‘‘নাগৰিকত্বৰ ভিত্তিবর্ষ হিচাপে ১৯৭১ চন হিন্দু-মুছলমান আটায়ে গ্রহণ কৰাৰ পাছত ৰাজ্যখনলৈ শান্তি আহিল, ঐক্যবদ্ধ গণসংগ্ৰামৰ বাট মুকলি হ’ল। আজি জনসাধাৰণৰ সেই ৰায় ভৰিৰে ঠেলি দি শাসক গোষ্ঠীয়ে ৰাজ্যখনক পুনৰ অশান্তি, অস্থিৰতা, ৰক্তাক্ত সংঘৰ্ষৰ পিনে লৈ যাব খুজিছে। সেয়ে সিহঁতৰ এই ষড়যন্ত্রমূলক প্রস্তাৱ শৰীৰৰ শেষ বিন্দু তেজেৰে যুঁজি হ’লেও প্রতিহত কৰিব লাগিব। অসমীয়াৰ ঐতিহ্য যুঁজৰ ঐতিহা, সাহস আৰু শৌৰ্যৰ ঐতিহ্য। এই এমুঠি মানুহেই সন্মিলিত শক্তিৰে প্ৰবল প্ৰতাপী মোগল বাহিনীক প্রতিহত কৰিছিল। আজি ১৯৭১ চনৰ পূর্বে অহা
0 comments:
Post a Comment