নিৰাপত্তা বাহিনীয়ে জম্মু-কাশ্মীৰৰ কুলগাম জিলাত দুটা পৃথক অভিযানত এজন আৰক্ষী আৰু ছজন সন্ত্রাসবাদীক গ্রেপ্তাৰ কৰিছে। চােৰাংচােৱা সূত্ৰৰ পৰা পােৱা তথ্যৰ আধাৰত নিৰাপত্তা বাহিনীয়ে বাটামালু আৰক্ষী থানা এলেকাত অভিযান চলাই পাঁচজন সন্দেহযুক্ত এল ই টিৰ সন্ত্রাসবাদীক গ্রেপ্তাৰ কৰিবলৈ সক্ষম হয়। পাঁচজন সন্ত্রাসবাদীক গ্রেপ্তাৰ কৰাৰ লগতে অস্ত্ৰ-শস্ত্ৰ আৰু বিস্ফোৰক সামগ্ৰীও উদ্ধাৰ কৰে অভিযানকাৰী দলটােৱে। তদুপৰি জিলাখনৰে বামপাৰা অঞ্চলত হিজবুল মুজাহিদীনৰ এজন সন্ত্রাসবাদীক আৰক্ষীয়ে গ্রেপ্তাৰ কৰে। আনহাতে কুপৱাৰা জিলাৰ কার্লাই অঞ্চলৰ পৰা সন্ত্রাসবাদীৰ সৈতে জড়িত থকাৰ অভিযোগত এজন আৰক্ষীকে গ্রেপ্তাৰ কৰে।
0 comments:
Post a Comment