৬ জনকৈ কে পি এল টি সদস্য কালি পুৱতি নিশা কাৰ্বি আংলং জিলাৰ বােকাজানু থানাৰ অন্তর্গত পাকলংছ'ৰ দুৰ্গম এলেকাত সেনাৰে সৈতে হােৱা সংঘৰ্ষত নিহত হয়। নামবৰ হাবিত এটা শিবিৰ পাতি আশ্রয় লৈ আছিল কে পি এল টিৰ সদস্যকেইজনে। অভিযানকাৰী সেনাৰ দলটােৰ উপস্থিতিৰ উমান লাভ কৰি সেনাবাহিনীলৈ লক্ষ্য কৰি কে পি এল টিৰ দলটােৱে অস্থায়ী শিবিৰটােৰ পৰা প্রথমে গুলীচালনা আৰম্ভ কৰে। অভিযানকাৰী সেনাবাহিনীয়েও প্রত্যাক্রমণেৰে গুলীবর্ষণ কৰাত দুয়োপক্ষৰ মাজত বহু সময় ধৰি প্ৰচণ্ড গুলীয়াগুলি চলে বুলি জানিব পৰা গৈছে। এই সংঘৰ্ষত উগ্ৰপন্থী শিবিৰটােত বাহৰ পাতি থকা কে পি এল টিৰ ৬ জনকৈ সদস্য থিতাতে নিহত হয়। নিহত সদস্যকেইজনক ৰূপছিং ৰংহাং, শিবছন তিমুং, থাৰছন টকবী, ধনছিং ইংতি, হৰেন ইংতি আৰু আগষ্টিন টেৰণ বুলি চিনাক্ত কৰা হৈছে। উল্লেখ্য যে সংঘৰ্ষত অভিযানকাৰী দলটোৰ এগৰাকী সেনা জোৱানো আঘাতপ্রাপ্ত হয়। অভিযানকাৰী নিৰাপত্তাৰক্ষীৰ দলটােৱে ঘটনাস্থলীৰ পৰা দুটা মেগাজিনসহ এটা ইনচাচ ৰাইফল আৰু ৪৫ জাই সক্রিয় গুলী, ১২ টা খালী কাট্ৰিজ, ৭.৬২ পিষ্টল এটা, এছ এল আৰ এটা, পইণ্ট টু গ্ৰী পিষ্টল তিনিটা, পিষ্টলৰ সক্রিয় গুলী ১০ জাঁই, গ্রেনেড দুটা, কেইবাটাও ম’বাইল হেণ্ডছেট আৰু বহু আপত্তিজনক সামগ্ৰী উদ্ধাৰ কৰা হয়।
0 comments:
Post a Comment