কোকৰাঝাৰত কি ঘটিছিল ?? কোনে সংঘটিত এই অমানবীয় কাণ্ড?? এইয়াই হৈছে আজিৰ দিনৰ আটাইতকৈ ডাঙৰ প্ৰশ্ন??
কোকৰাঝাৰ চহৰৰ বলাজান, তিনিআলীৰ সাপ্তাহিক বজাৰত কালি সন্ত্ৰাস চলালে অচিনাক্ত দুৰ্বৃত্তই৷ য'ত থিতাতে ১৪ জনৰ প্ৰাণহানি হয়৷ আৰু ১৬ জন আহত হয়৷ নিহত সকলৰ ভিতৰত এজন সন্ত্ৰাসবাদী৷ প্ৰাপ্ত বাতৰি মতে, মুম্বাইৰ "তাজ-হোটেল"ৰ কায়দাত সুসজ্জিত সন্ত্ৰাসবাদীয়ে সেনাৰ পোছাকত(এজনে ৰেইন কোট পিন্ধিছিল), মুখত ক'লা কাপোৰ পৰিধান কৰি, ভুৱা নম্বৰ-প্লেটৰ এখন "টেম্প" গাড়ীৰে আহি সাধাৰণ মানুহৰ ওপৰত নিৰ্বিচাৰ গুলীচালনা কৰে আৰু গ্ৰেণেড বিস্ফোৰণ কৰে৷ ঘটনাস্থলীত এজন সন্ত্ৰাসবাদীৰ মৃতদেহো উদ্ধাৰ হয়৷ এতিয়া প্ৰশ্নটো হ'ল,"এই সন্ত্ৰাসবাদী বোৰৰ পৰিচয় কি?"
ক) NDFB(S) জড়িত নেকি?
=> ঘটনাস্থলীৰ পৰা উদ্ধাৰ হোৱা সন্ত্ৰাসবাদী জন NDFB(S) ৰ লগত জড়িত বুলি শীৰ্ষ আৰক্ষী বিষয়াই অৱগত কৰিছে৷ নিহত সন্ত্ৰাসবাদী জনৰ ফোন কলৰ তালিকা আৰু তেওঁৰ মোবাইলত উদ্ধাৰ হোৱা ফটো বোৰৰ পৰা সন্ত্ৰাসবাদী জন যে NDFB(S) ৰ লগত জড়িত সেয়া অনুমান কৰিব পাৰি৷
খ) কিয় আক্ৰমণ কৰিলে NDFB(S) য়ে
=> বিগত কিছু দিনৰ পৰা NDFB(S) ৰ বিৰুদ্ধে চৰকাৰে গ্ৰহণ কৰা নিৰন্তৰ যুদ্ধংদেহী ব্যৱস্থাই সংগঠনটোক বিপদত পেলাইছে৷ ভাৰত-ভুটান সীমান্তত সংগঠনটোৰ বিৰুদ্ধে চলোৱা আক্ৰমণ সমুহে চৰম সংকটত পেলাইছে সংগঠনটোক৷ ৰাইজক ভীতিগ্ৰস্ত কৰি নিজৰ অস্তিত্ব প্ৰমাণ কৰিবলৈ NDFB(S) য়ে এনে কৰিব পাৰে৷ আকৌ ভাৰত-ভুটান সীমান্তত সংগঠনটোৰ শীৰ্ষ নেতা সকল বিপদত পৰা বাবে আৰক্ষীৰ দৃষ্টি আতৰাবৰ বাবেও এই ঘটনা সংঘটিত কৰিব পাৰে৷
গ) NDFB(S) য়ে কি কয়?
=> সংবাদ মাধ্যমত প্ৰকাশিত বাতৰি অনুযায়ী, NDFB(S) ৰ সাধাৰণ সম্পাদক বি.আৰ. ফেৰেংগাই এই ঘটনাত তেওঁলোক জড়িত নহয় বুলি জনাইছে৷
ঘ) এই ঘটনাত জড়িত নেকি মৌলবাদী সন্ত্ৰাসবাদী
=> মৌলবাদী সন্ত্ৰাসবাদীৰ কৌশলেৰে আক্ৰমণ চলোৱা দিশলৈ চাই এই ঘটনাত মৌলবাদী শক্তি জড়িত থকা বুলিও অনুমান কৰিব পাৰি৷ সঁচা কথাটো হ'ল, অসমত আজিলৈ এনে ধৰণৰ কুটাঘাত সংঘটিত হোৱা নাছিল৷ মুম্বাইৰ "তাজ-হোটেল" কাণ্ডৰ দৰেই সংঘটিত হৈছিল কুটাঘাট৷ তাৰোপৰি ঘটনাস্থলীৰ ভৌগোলিক অৱস্থান, যাতায়তৰ দিশ আৰু জনগাঁঠনিলৈ চাই মৌলবাদীৰ হাত থকা বুলি প্ৰত্যক্ষ দৰ্শী সকলে মতপোষণ কৰিছে৷ NDFB(S) ৰ এজন পথভ্ৰষ্ট কেডাৰক মৌলবাদীয়ে ব্যৱহাৰ কৰি আনক বদনাম কৰি নিজৰ অভীষ্ট সিদ্ধি কৰিবও পাৰে!
ঙ) মৌলবাদীয়ে কিয় সংঘটিত কৰিব কুটাঘাত
=> অসমত নিজৰ খোপনি সুদৃঢ় কৰিবলৈ মৌলবাদীয়ে এনে কুটাঘাত কৰিব পাৰে৷ তাৰোপৰি ২০১২ ৰ প্ৰতিশোধ ল'বলৈ আৰু অসম চৰকাৰক অস্থিৰ কৰি তুলিবলৈও এই কাৰ্য সংঘটিত কৰিব পাৰে৷ চৰকাৰ গঠন হোৱাৰ ঠিক পিছতে ISIS য়ে মুকলি কৰা Video টো আমি আওঁকাণ কৰিলে নহ'ব৷ বিপদত পৰা NDFB(S) ক নিজৰ কু-অভিপ্ৰায় পূৰণৰ বাবে ব্যৱহাৰ কৰিব পাৰে মৌলবাদী সন্ত্ৰাসবাদীয়ে৷ আজিৰ কুটাঘাতটোত আত্মঘাতী মনোভাৱেৰে সংঘটিত কৰা হৈছিল৷ যিটো অসমৰ প্ৰেক্ষাপটত অভুতপূৰ্ব৷
চ) ধুবুৰীত বোমা উদ্ধাৰ
=> কিছু সময় পূৰ্বে ধুবুৰীৰ তামাৰহাটৰ ভেটা-পেটলী গাঁৱত দুটি শক্তিশালী বোমা উদ্ধাৰ হয়৷ কোকৰাঝাৰৰ ঘটনাৰ লগত এই বোমা উদ্ধাৰৰ ঘটনাটোৰ ক'ৰবাত মিল আছে নেকি? অৱশ্যে এটা কথা দৃঢ়তাৰে ক'ব পাৰি যে নামনি অসমত যে সন্ত্ৰাসবাদী কাৰ্যকলাপ ভয়ংকৰ ভাৱে বৃদ্ধি পাইছে৷ অতি কম দিনৰ ভিতৰতে হয়তো আৰু ভয়ংকৰ কুটাঘাত ঘটিব পাৰে নামনি অসমত৷ এয়া আমাৰ শংকা৷
ছ) বিফল চোৰাংচোৱা
=> সঁচা কথা ক'বলৈ গ'লে, অসমৰ গৃহবিভাগৰ চোৰাংচোৱাৰ চৰম বিফলতাৰ ফলতেই সংঘটিত হ'ল আজিৰ এই নৰ-হত্যা কাণ্ড৷ চোৰাংচোৱাৰ হাতত নামনি অসমত যে সন্ত্ৰাসবাদীৰ কুচকাৱাজ চলি আছে সেয়া খবৰ নাই নেকি? অনাগত ১৫ আগষ্টৰ বাবে চোৰাংচোৱা সংস্থাবোৰ সষ্টম হৈ থকা নাই নেকি?
জ) সফল হ'ল আৰক্ষী
=> অভুতপূৰ্ব ধৰণে অতি কম সময়ৰ ভিতৰতে অসম আৰক্ষী ঘটনা স্থলীত উপস্থিত হৈ এজন সন্ত্ৰাসবাদীক গুলিয়াই নিহত কৰে আৰু ঘটনাটো নিজৰ আয়ত্বলৈ আনে৷ পূৰ্বে এনে সফলতা অসম আৰক্ষীয়ে পোৱা নাছিল৷
( সঁচা কথা:: True Speechৰ সৌজন্যত)
0 comments:
Post a Comment