চীনা সামগ্ৰী বর্জন কৰিবলৈ মন্ত্রী ড° হিমন্ত বিশ্ব শৰ্মাৰ মুকলি আহ্বান

মন্ত্রী ড° হিমন্ত বিশ্ব শৰ্মাই এইবাৰ দুৰ্গা পূজাৰ বতৰত চীনত নির্মিত সামগ্ৰীৰ ব্যৱহাৰৰ পৰা বিৰত থাকিবলৈ ৰাজ্যবাসীক আহ্বান জনাইছে । সোমবাৰে গুৱাহাটীত এক অনুষ্ঠানত অংশ লৈ সংবাদ মাধ্যমৰ আগত মন্ত্রী ড° শৰ্মাই কয়— ‘পূজাত চীনৰ সামগ্ৰী ৰাইজে বর্জন কৰক। চীনৰ সামগ্ৰীৰ বিপৰীতে থলুৱা দেশীয়ভাৱে উৎপাদিত চাকি, লাইট, বাচন-বৰ্তন আদি ব্যৱহাৰ কৰিব লাগে। ‘মেড ইন চাইনা’ লিখা কোনো বস্তু ব্যৱহাৰ কৰিব নালাগে। ৰাইজৰ প্রতি এয়া মোৰ ব্যক্তিগত আহ্বান। ‘মেকইন ইণ্ডিয়াৰ দৰে আমি “মোক ইন আছাম’ বনাব লাগিব।