“ৰংপুৰ গৌৰৱ বঁটা’ অসম সাহিত্য সভাৰ প্ৰাক্তন সভাপতি, অসম উপত্যকা সাহিত্য বঁটা বিজয়ী, প্রসিদ্ধ কথাশিল্পী ইমৰান শ্বাহলৈ আগবঢ়োৱা হৈছে। শিৱসাগৰৰ স্বেচ্ছাসেৱী সংগঠন 'খোজা’-এ জিলাখনৰ সমাজ–সাহিত্য সংস্কৃতি-ক্রীড়া-অৰ্থনীতিলৈ বিশেষ বৰঙণি আগবঢ়োৱা একোজন ব্যক্তিক প্রতিবছৰে 'ৰংপুৰ গৌৰৱ’ বঁটা প্ৰদানৰ সিদ্ধান্ত গ্ৰহণ কৰিছে। প্রথমবাৰৰ বাবে ইমৰান শ্বাহক এই বঁটা প্ৰদান কৰিব। শিৱসাগৰ কলেজৰ অসমীয়া বিভাগৰ অৱসৰপ্রাপ্ত মুৰব্বী অধ্যাপক ইমৰান শ্বাহক ৰংপুৰ গৌৰৱ বঁটা প্রদান কৰা হ’ব তৃতীয় শিৱসাগৰ গ্ৰন্থ উৎসৱৰ উদ্বোধনীৰ দিনাখন। উল্লেখ্য যে অহা একত্রিশ অক্টোবৰৰ পৰা আঠ নৱেম্বৰলৈকে এই গ্রন্থমেলা অনুষ্ঠিত হ’ব।
0 comments:
Post a Comment